Aðalfundur Samfés 2013

Aðalfundur Samfés var haldin á Bifröst 18 19 apríl sl. Var hann ágætlega sóttur eða hátt í 80 manns þegar mest lét (eða rúm 50 atkvæði).

Var dagskrá nokkuð hefðbundin eins og auglýst dagskrá gaf til kynna, þar sem farið var yfir starfsárið sem var að líða.

Eins og fram kom  gengu allir viðburðir nokkuð vel og fjárhagslega kom árið 2012 út í plús.

Einn nýr félagi bættist í hópinn en það var ungmennahús Rauðagerðis í Vestmannaeyjum. Eru nú 9 ungmennahús félagar í Samfés.

Ný stjórn var kosin og hlutu kosningu;

Gjaldkeri:

Andri Þór Lefever úr Molanum, Kópavogi (kosinn til tveggja ára).

Meðstjórnendur:

Linda Björk Pálsdóttir, Undirheimum Akureyri

Svava Gunnarsdóttir, Bakkanum Reykjavík

Þorvaldur Guðjónsson, Punkti Is Reykjavik

Varamenn:

Gunnlaugur Guðmundsson, Tróju Akureyri

Óli Örn Atlason, Fönix Kópavogi

Andrea Marel, 105 Reykjavík

Sigurvegari í Söngkeppni Samfés 2013

Margrét Stella Kaldalóns úr félagsmiðstöðinni Frosta sigraði Söngkeppni Samfés sem fór fram í Laugardalshöll þann 2. mars sl. Margrét Stella söng lagið Ást í leynum. Lagið heitir upprunalega Uncover í flutningi Zara Larson.Í öðru sæti lenti Guðrún Ólafsdóttir úr Bústöðum með lagið Vetrarnætur sem er frumsamið. Félagsmiðstöðvarnar Þróttheimar, Óríion og 105 skiptu með sér þriðja til fimmta sæti. Hrafnhildur Magnea Ingólfsdóttir úr Þróttheimum söng lagið Stay, Hrafnhildur Kristín Jóhannesdóttir úr Óríon söng lagið Umvafin englum og Laufey Lin úr félagsmiðstöðinni 105 söng lagið Titanium.

SamFestingurinn 2013

SamFestingurinn 2013 - myndir

4.500 unglingar komu saman í Laugardalshöll föstudagskvöldið 1. mars á SamFestingnum 2013. Hljómsveitirnar Úlfur Úlfur, Jón Jónsson og plötusnúðurinn Heiðar Austmann komu fram og Páll Óskar sló botninn í tónleikana.

Unglingahljómsveitirnar Sarangi frá Akranesi, Operation Anti Stupid úr Snæfellsbæ, Aron & Co úr Grundarfirði og White signal úr Reykjavík komu einnig fram og plötusnúðarnir Magnús Thorlacius og Unknow DJ's.

Samfés - samtök félagsmiðstöðva á Íslandi á Facebook

Til ungmenna frá Ungmennaráði Samfés

Kæru ungmenni.

Nú þegar Samfestingurinn fer að renna upp og allir eru farnir að iða af spenningi viljum við í Ungmennaráði Samfés minna á reglur á Samfestingnum:

v  Klæðaburðareglur  Samfés:

• Stelpur:
  Eiga að vera í lituðum sokkabuxum eða leggings undir stutta kjóla.
  Mega ekki sýna brjóstaskoru, eða neitt þess háttar. Einnig er bannað að vera í gegnsæjum skyrtum nema hlýrabolur sé notaður undir. Þar af leiðandi má ekki hafa bert á milli. Blúndustuttbuxur eru ekki leyfilegar heldur þar sem þær eru of stuttar. „Stykki“ sem ná aðeins yfir brjóstin eru heldur ekki leyfileg.

• Strákar:
  Mega ekki vera berir að ofan, vera með of stórt (eða sítt) hálsmál eða hneppa              skyrtum frá. Þeir mega heldur ekki vera í stuttbuxum, þær verða að ná fyrir neðan hné.

• Háhælaðir skór eru leyfðir en við ítrekum og mælum ekki með því að stelpur eða strákar séu í þeim,  engum finnst gaman að vera bólgin og tálaus.

v  Öll notkun eða meðferð vímuefna er bönnuð og við tökum það fram að Kick Up er ekki leyfilegt.

v  Gæsla verður á staðnum og leitað verður á fólki áður en lagt er af stað í Laugardalshöllina. Ef fólk fer inn á bað og skiptir um föt verður tekið á því. Strangt verður tekið á öllum brotum á reglum.

Að lokum vonum við bara að þið skemmtið ykkur ótrúlega vel. Við höfum lagt mikla vinnu í þennan viðburð og vonum að þið komið til móts við okkur með því að fara eftir þessum örfáu reglum.

Stuð teymið – out.

Unglingar DJ - ar á SamFestingi 2013

Eftirfarandi unglingar voru dregnir uppúr hattinum í dag til þess að skemmta gestum SamFestingsins á milli kl. 18 og 19.

KL. 18.00 Magnús Thorlacius úr félagsmiðstöðinni Igló í Kópavogi

Kl. 18.30 Unknown DJ úr félagsmiðstöðinni Laugó í Reykjavík