Heimasíða ECYC er www.ecyc.org
Skammstöfunin ECYC stendur fyrir European Confederation of Youth Clubs og útleggst á íslensku sem Evrópusamtök félagsmiðstöðva. Þessi samtök voru stofnuð árið 1979 með því markmiði að:
o Stuðla að samvinnu milli landsamtaka félagsmiðstöðva í Evrópu
o Auka alþjóðavitund ungs fólks
o Stuðla að og standa fyrir ungmennaskiptum, námskeiðum og ráðstefnum
o Hvetja ungt fólk til þátttöku á öllum sviðum samfélagsins
ECYC nýtur stuðning frá Evrópuráðinu (Council of Europe) og Evrópu unga fólksins (Youth In Action).
Innan ECYC eru í dag um það bil 18.000 félagsmiðstöðvar í 27 löndum sem spanna Evrópu frá Íslandi í norðri til Kýpur í suðri. Má reikna með að yfir 3,5 milljónir ungmenna taki þátt í starfi félagsmiðstöðvanna og verkefnum ECYC.
Innan ECYC eru meðlimirnir 28 samtök frá 27 löndum sem spanna Evrópu, frá Íslandi í norðir til Kýpur í suðri. Ná reikna með að yfir 2,2 milljónir ungmenna taki þátt í starfi félagamiðstöðvanna og verkefnum ECYC á ári hverju. Öll þessi samtök eiga það sameiginlegt að vera landsamtök félagsmiðstöðva í viðkomandi landi. Þannig eru einstaka félagsmiðstöðvar ekki aðilar að ECYC beint. Fyrir félagsmiðstöðvar á Íslandi er Samfés aðili að ECYC. Öll aðildarsamtökin eru sjálfstæð innan ECYC og með sjálfstæða stjórn og þess vegna er orðið Confederation notað í enska nafni samtakanna.
Helstu verkfæri ECYC til að vinna að markmiðum sínum eru námskeið og ráðstefnur fyrir ungt fólk, ungmennaskipti einstakra félagsmiðstöðva, starfsmannaskipti í félagsmiðstöðvum og samtökum, þróun æskulýðsstarfs t.d. í gegnum leiðtogaþjálfun, uppbygging nets milli meðlima um ákveðin málefni sem áhugi er á hverju sinni og stefnumótun í ákveðnum málaflokkum t.d. þátttöku í samfélaginu, æskulýðsstarf með stúlkum eða jafningjafræðsla.
ECYC hefur haft það að einu aðalmarkmiði sínu undanfarin ár að kynna og stuðla að áframhaldandi þróun á opnu æskulýðsstarfi (open youthwork). Tilgangur opins æskulýðsstarfs er að gefa ungu fólki tækifæri á að þroskast í gegnum reynslu sem kennir þeim að taka þátt í lýðræðislegu samfélagi sem og að þroska þá sem einstaklinga. Opið æskulýðsstarf er unnið með sjálfviljugum þátttakendum sem eru í starfinu á þeirra eigin forsendum. Allir geta tekið þátt og engum er haldið fyrir utan starfið af neinum ástæðum s.s. vegna kyns, þjóðernis, litarháttar, fötlunar, trúar eða nokkurs annars.
Meðlimir ECYC
Eins og sagði að ofan eru aðilar innan ECYC 24 í dag á mismunandi stigum. Þessi samtök eru listuð hér að neðan. Á heimasíðu samtakanna www.ecyc.org er hægt að nálgast heimilisföng, símanúmer, netföng og nöfn tengiliða sem hægt er að hafa samband við.
Armenía Federation of Youth Clubs, Armenia (FYCA)
Austurríki bOJA – Bundesweites Netzwerk Offene Jugenbeit
ARGE JUZE 2009
Belgía Formaat, Jeugdhuiswerk Vlaanderen vzw
FCJMP, Fédération des Centres de Jeunes en Millieu Populaire
Búlgaría BASH, Bulgarian Association for School Health
Kýpur CYCO
Danmörk Ungdomsringen
Eistland Estonian Youth Club Union
England UK Youth
Finnland SETNL Setlementtinuorten Liitto ry
Georgia YUPMMG Youth Union of Public Movement Multination Georgia
Ísland Samfés Youth Club Organization of Iceland
Írland Youth Work Ireland
Ítalía CESAVO Centro Savonese di Servizi al Volontariato
Kosovo Youth Association “Fisniket”
Lúxemborg Daachverband vun de Letzebuerger Jugendklub
Moldóva Youth Forum “New Moldova”
Noregur Ungdom & Fritid, National federation of Youth Clubs
Rúmenía FONGTR/RYNGOF Youth Non-Governmental Organizations Forum
Rússland Russian Union of Youth (RUY)
Slóvenía Youth Network MaMa
Spánn Casal de Jove de Catalunya
Svíþjóð Fritidsforum
Sviss DOJ-AFAJ
Tékkland SMK, Svaz Clubu Mladeza
Úkraína Our Children
Þýskaland JuNet e.V.
Skrifstofa ECYC er í Antwerpen í Belgíu hýst af Belgísku samtökunum Formaat
Stjórnskipan
Stjórn ECYC fer með málefni samtakanna á milli fastafunda. Í stjórninni eru fimm fulltrúar tilnefndir af aðildarfélögum forseti, aðalritari, gjaldkeri og þrír varaforsetar. Í dag er stjórnin skipuð eftirtöldum aðilum kjörnum á aðalfundi í Edinborg í júní 2010.
Forseti: Alice Taylor UK Youth England
Gjaldkeri: Christoforar Vouras CYCO Kýpur
Varaforseti: Joris DeBleser Formaat Belgía
Varaforseti: Anna Olvenius Fritidsforum Svíþjóð
Varaforseti: Emma Allakhverdyan FYCA Armenía
Framkvæmdastjóri: Carmen Paun, með aðstetur í Belgíu.
Fastafundir ECYC eru nokkrir á kjörtímabilinu sem spannar tvö ár. Á einu tímabili er einn aðalfundur, tveir fulltrúaráðsfundir (Executive committee meetings) og tveir forseta og framkvæmdastjórafundir (Chief executive and presidents meetings). Á aðalfundi og fulltrúaráðsfundi mæta 1-5 fulltrúar frá aðildarfélögum. Fundirnir eru hýstir af aðildarsamtökum og því eru þeir á mismunandi stöðum hverju sinni.
Mikið hefur verið lagt í að auka þátttöku ungs fólks á öllum vígstöðvum ECYC undanfarin ár og vel hefur tekist til. Þannig hefur meðalaldur á fulltrúaráðsfundum og í stjórninni snarlækkað milli tímabila og svo hefur aðsókn ungs fólks aukist gríðarlega á námskeið og aðra viðburði skipulagða af ECYC. Vinnuplanið sem er í notkun núna miðar að því að auka þessa þátttöku ungs fólks enn meira.
Samstarfsaðilar
ECYC vinnur með fjöldanum öllum af öðrum samtökum og Evrópustofnunum. Til að fjármagna starfsemina sækir ECYC fjármagn til Evrópusambandsins og Evrópuráðsins eftir þeim leiðum sem þar eru til. Auk þess að fá fjármagn til ýmissa verkefna hefur ECYC átt sneið af stórum sjóði sem Evrópsk æskulýðssamtök fá úthlutað ár hvert, evrópska æskulýðssjóðnum (European Youth Foundation)
ECYC er fullgildur aðili að Evrópska æskulýðsvettvanginum (Youth Forum Jeunesse, YFJ) sem er stærsti samstarfsgrundvöllur æskulýðssamtaka í Evrópu. YFJ samanstendur af um 95 samtökum sem annaðhvort eru æskulýðssamtök einstakra landa eða samtök sem vinna að æskulýðsmálum á Evrópustigi. Þessi vettvangur vinnur mjög náið með Evrópusambandinu (EU), Evrópuráðinu (COE) og Sameinuðuþjóðunum ( UN) í öllum þeim málefnum sem snerta ungt fólk. YFJ er t.d. samstarfs og umsagnaraðilar um flest þau málefni sem EU tekur fyrir og snerta ungt fólk, þannig hefur YFJ verið með í vinnu við Hvítbókina um ungt fólk og þá vinnu sem henni fylgir allt frá upphafi.
Dæmi um verkefni ECYC
Til að sjá kjarnann í því sem að samtök eins og ECYC eru að gera er best að skoða verkefnin sem unnin hafa verið. Við tókum saman nokkur dæmi sem gætu skýrt vinnu ECYC betur.
Námskeið
ECYC stendur fyrir námskeiðum nokkrum sinnum á ári. Þar gefst ungu fólki kostur á að sækja þekkingu um hin ýmsu málefni sem koma sér vel í starfi á æskulýðssviði. Námskeiðin eru ýmist haldin á vegum meðlima ECYC eða í Æskulýðsmiðstöðvunum tveimur sem Evrópuráðið rekur í Strasbourg og í Búdapest. Íslendingar hafa verið duglegir að nýta sér þessi námskeið til dæmis hafa einstaklingar héðan farið á.
* Námskeið í upplýsingatækni í æskulýðsstarfi í Englandi
* Leiðbeinendaþjálfun fyrir leiðbeinendur í æskulýðsstarfi í Rússlandi
* Námskeið í óhefðbundnum kennsluaðferðum í Belgíu
* Námskeið um þátttöku ungs fólks á öllum stigum samfélagsins í Frakklandi
* Námskeið um æskulýðsstarf á átakasvæðum í Frakklandi
* Námskeið um jafningjafræðslu og aðferðir í æskulýðsstarfi á Íslandi
* Námskeið fyrir starfsfólk félagsmiðstöðva í Finnlandi
...og svo mætti lengi telja.
Gífurleg reynsla og þekking verða eftir hjá einstaklingum sem sækja svona námskeið og nýtist án efa í starfi þegar heim er komið. Það sem meira er að á þessum atburðum myndast tengslanet við fólk úr sama geira allstaðar að úr Evrópu. Uppúr þessu tengslaneti verða svo til ungmennaskiptin og samstarfsverkefnin sem eru eitt af aðalmarkmiðum ECYC.
Verkefni
Um Vorið 2004 lauk einu stærsta verkefni ECYC frá stofnun sem kallað var “Large Scale Project” (fullnægjandi þýðing á íslensku fannst ekki) Þetta verkefni tók tvö ár og þátttakendur voru átta samtök innan ECYC. Verkefnið miðaði að því að framleiða og gefa út þjálfunarefni fyrir starfsfólk og sjálfboðaliða á æskulýðssviði um mismunandi efni.
* Mannréttindi og umburðarlyndi í æskulýðsstarfi
* Aðferðir í opnu æskulýðsstarfi
* Samskiptahæfileikar
* Tilgangur og hlutverk æskulýðsstarfs
* Að skilja ungt fólk
Um þessi efni var svo gefið út efni sem að öllum er frjálst að nota til að standa fyrir þjálfun á þessum sviðum í sínu umhverfi. Allt efnið er fáanlegt á netinu undir slóðinni http://www.youth-work-training.org
