Samfés

Rímnaflæði 2009 fer fram föstudaginn 20. nóvember í félagsmiðstöðinni Miðbergi og hefst kl. 20.00, en húsið opnar kl. 19.30. Keppnin hefur skapað sér fastan sess í dagskrárliðum félagsmiðstöðva um leið og hún vekur áhuga ungmenna á rappi og gefur því jákvæða umfjöllun. Á hverju ári sjáum við nýja og efnilega rappara sem sýna frábæra laga – og textasmíð. Í ár verður Rímnaflæði haldið í 11. sinn í Miðbergi.

Skráning fer fram á meðfylgjandi skráningarblað og skal það sendast á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. fyrir klukkan 16:00 mánudaginn 16. nóvember. Mikilvægt er að fylla út allt skráningarblaðið. Ásamt skráningarblaði skal skila blaði með texta lags.

Stig eru gefin fyrir innihaldsríka texta, flæði og lögin sjálf í heildina. Aðstandendur Rímnaflæðis áskilja sér rétt til að meina þátttöku eða fara fram á breytingu ef texti þykir ekki samræma reglum Rímnaflæðis.

Keppnin er einungis fyrir krakka í 8. – 10. bekk.

300 miðar eru í boði og fer sala miða fram í félagsmiðstöðvunum ykkar. Þegar ljóst er hversu marga miða þið þurfið sendið þið miðapöntunarformið á Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. , fyrir 16. september.  Miðarnir verða sendir til ykkar . Miðaverð er krónur 500.-

Lögð er rík áhersla á að starfsmaður fylgi bæði keppendum og áhorfendum á keppnina og verði á staðnum frá upphafi til enda. Þar með talið undirbúningur og soundcheck fyrr um daginn.

Reglan um einn starfsmann með 15 unglinga gildir.

Reglur Rímnaflæðis

1. Keppendur og áhorfendur verða að vera á grunnskóla aldri (8. – 10. bekk)
2. Lög og textar eiga að vera samin af keppendum. Stuldur á takti og ítrekaður stuldur á textabrotum mun snarlækka einkun frá dómurum.
3. Neysla áfengis og vímefna er stranglega bönnuð. Keppendum og áhorfendum verður vísað út ef upp kemst um slíkt. Ölvun ógildir miðann.
4. Textar sem fela í sér hatursáróður, kynþáttafordóma, kvenfyrirlitningu, jákvæða umsögn um neyslu áfengis og annara fíkniefna snarklækka einkun frá dómurum. Hægt er að vísa keppendum frá ef um gróft brot er að ræða.
5. Eitt lag á keppenda. Hágmarks lengd atriðis 6 min. Hámarksfjöldi þátttakenda á sviði er 6 manneskjur.

Skilríkjaskylda.
Rímnaflæði 2009 Plaggat - 277785 bitar Smelltu hér til að sækja
Skráningarblað í Rímnaflæði 2009 - 19572 bitar Smelltu hér til að sækja