Danskeppni Samfés

Mikill áhugi hefur verið fyrir því að setja af stað danskeppni unglinga í anda Freestyle keppni Tónabæjar. Á síðasta aðalfundi Samfés var samþykkt að halda Danskeppni Samfés föstudaginn 3. febrúar. Undirbúningsnefnd skipuð miklum sérfræðingum og áhugafólki um dans hefur aðstoðað okkur hjá Samfés við að koma þessum nýja viðburði af stað.

DANSKEPPNI SAMFÉS er keppni á milli félagsmiðstöðva og er markmiðið að hvetja ungt fólk til þess að koma fram á þessum viðburði með sinn eigin dansstíl. Keppt verður í hópakeppni unglinga á aldrinum  13-16 ára (8.-10. bekkur). Keppendur sýna frumsaminn dans og sjá alfarið um alla þá þætti sem snúa að því að sýna opinberlega fullbúið dansatriði. Hér er átt við alla umgjörð dansatriðisins.

 Ákveðið var að byrja á viðburðinum sem hópakeppni og vera svo opin fyrir einstaklingskeppni í framhaldinu. Hver félagsmiðstöð má skrá einn hóp í keppnina og setja einn hóp á biðlista (fer eftir fjölda skráninga).

ü         Í hópakeppni eru 2-7 manns saman í hóp

ü         Atriði skal vera frumsamið af nemendum

ü         Lengd atriðis skal vera 1:40-2:00 mínútur

Skráning keppenda og miðasala fer fram í félagsmiðstöðinni þinni. Miðasala hefst 20. jan. 2017

Miðinn kostar 1.000.- kr. Innifalið í verði er drykkur og eitthvað gott frá Ölgerðinni.

Skráningargjald keppenda er 1.000 kr. á hvern einstakling í hópnum.

 

 

Facebook Twitter Google+ Pinterest
×

Log in