Ungmennaráð

Samfés...

 

 

Um ungmennaráð Samfés

Tillaga um stofnun ungmennráð Samfés var samþykkt á aðalfundi Samfés í Ólafsvík 27. apríl 2006.
Formlega tók ungmennaráðið til starfa eftir Landsmóti Samfés sem haldið var í Garðinum á suðurnesjum 2006.
Ungmennaráð Samfés er lýðræðislega kjörið ráð ungmenna á aldrinum 13-16 ára (8. – 10. bekkur) alls staðar að af landinu.

Kosningar til ungmennaráðs Samfés fara fram á Landsmóti Samfés. Alls er kosið í 9 kjördæmum tvo aðalmenn og einn til vara, alls 18 aðalmenn og 9 varamenn. Annar aðalmaðurinn er kosinn til 2ja ára en hinn til eins árs. Varamaður er kosinn til eins árs. 

Allir þátttakendur á landsmóti hafa rétt til að bjóða sig fram í ungmennaráðið, þá hver fyrir sitt kjördæmi. Taka skal fram hvort viðkomandi hafi áhuga á að bjóða sig fram til eins eða tveggja ára.

Hver félagsmiðstöð hefur eitt atkvæði þar sem sett eru tvö nöfn á blað. Ráðlagt er að unglingarnir ráðfæri sig í sameiningu að undangengnum kjörfundi hvaða tveir aðilar fái atkvæði þeirrar félagsmiðstöðvar. Staðfesta þarf framboðið við upphaf landsmóts en kjörfundir eru á föstudagskvöldi.

Ungmennaráð Samfés starfar á landsvísu, þ.e. fulltrúar í ráðinu eru alls staðar að af landinu.

Tilgangur ungmennaráðs Samfés er:

• að efla þátttöku ungmenna í félagsmiðstöðvastarfi.

• að auka jafningjafræðslu.

• að ungmenni öðlist rödd í samfélaginu svo að ekki sé miðað allt við fullorðna.

• að ungmenni hafi tengiliði alls staðar af landinu til þess að ræða málefni sem snúa að þessum aldurshópi.

• að efla Evrópusamstarf við önnur ungmenni.

• að hafa áhrif á og vinna að viðburðum á vegum Samfés.

• að hafa áhrif á fjölmiðlaumfjöllun.

 

Annað sem vert er að vita

Ungmennaráðið fundar í Reykjavík 10-12 sinnum yfir veturinn.. Ef aðalmaður kemst ekki á fundinn skal hann boða varamann fyrir sig. Ferðakostnaður fundarmanna er greiddur af Samfés.

Ungmennaráð kemur inn á a.m.k. einn stjórnarfund hjá stjórn Samfés ásamt því að senda tvo fulltrúa á Aðalfund Samfés sem haldin er í apríl.

Ungmennaráð heldur utan um Landsþing Ungmennaráðs sem nú er haldið samhliða Landsmóti.

Ungmennaráð starfar í veitingasölu á Samfestingnum. Innkoman úr veitingasölunni er notuð til að starfrækja ungmennaráðið yfir vetrartímann. 

Ungmennaráð kemur að ýmsum ákvarðanartökum innan Samfés s.s. vali á hljómsveitum fyrir Samfésball og undirbúningi fyrir viðburði Samfés.

Fulltrúar ungmennaráðs fá tækfifæri til þess að koma fram á og sitja á ráðstefnum og fundum um málefni tengd ungmennum og æskulýðsmálum hér á landi eða erlendis.

Önnur tilfallandi verkefni.

Facebook Twitter Google+ Pinterest
×

Log in