Landsmótin okkar!
Landsmót Samfés
Landsmót Samfés sem haldið er að hausti ár hvert var haldið í fyrsta sinn á Blönduósi 1990 þar sem 25 aðildarfélagar Samfés komu saman. Unglingarnir, allir í 8. bekk, ræddu um málefni ungs fólks og starfsmenn ræddu samstarf félagsmiðstöðva.
Dagskrá Landsmóts Samfés er þríþætt. Unnið er í fjölbreyttum smiðjum þar sem markmiðið er að ungmennin taki það sem þau læra með sér heim og miðli reynslu sinni og þekkingu í sinni félagsmiðstöð. Auk þess er lögð rík áhersla á mikilvægi þess að hitta jafnaldra sína, kynnast nýju fólki og að allir skemmti sér sem best.
Lýðræðisleg vinnubrögð allsráðandi á Landsmóti Samfés en lokadagur mótsins er helgaður Landsþingi ungs fólks. Það er Ungmennaráð Samfés sem hefur veg og vanda að því að skipuleggja þennan viðburð. Á Landsþinginu fær ungt fólk tækifæri til að tjá sig um hin ýmsu málefni þeim hugleikinn. Í kjölfar Landsþings tekur Ungmennaráð saman niðurstöður og sendir ályktanir á ráðuneyti, sveitarstjórnir, fjölmiðla og aðildarfélaga Samfés.
Á Landsmóti fer einnig fram lýðræðsileg kosning í Ungmennaráð Samfés. Alls er kosið í 9 kjördæmum þar sem tveir fulltrúar eru kosnir úr níu kjördæmum, 18 fulltrúa til tveggja ára og 9 fulltrúa til eins árs þannig að fulltrúar Ungmennaráðs Samfés séu 27. Kjörgengir til ungmennaráðs Samfés eru fulltrúar aðildarfélaga á aldrinum 13-16 ára
Landsmót & Landsþing
Landsmótið
Landsmót Samfés er stærsti viðburður sinnar tegundar á Íslandi þar sem ungmenni á aldrinum 13–16 ára koma saman frá öllum landshlutum. Mótið er einstakt tækifæri fyrir ungt fólk að hittast, taka þátt í fjölbreyttri dagskrá og kynnast jafningjum víðs vegar af landinu.
Lýðræði og færni í brennidepli
Landsmótið byggir á óformlegu námi með áherslu á reynslu, hópefli og lýðræðisleg vinnubrögð. Ungmennin læra að hlusta á ólík sjónarmið, deila eigin skoðunum og finna sameiginlegar lausnir sem nýtast bæði í starfi félagsmiðstöðva og í samfélaginu almennt.
Smiðjur, þing og kosningar
Á mótinu fara fram smiðjur sem efla sjálfstraust, samskiptafærni og skapandi hugsun. Einnig er haldið Landsþing Samfés þar sem ungmenni ræða málefni sem þau telja mikilvæg og koma skoðunum sínum á framfæri. Þá fara einnig fram kosningar í Ungmennaráð Samfés.
Jafnt aðgengi fyrir öll
Til að tryggja jafnt aðgengi er mótið haldið til skiptis á landsbyggðinni og á höfuðborgarsvæðinu. Þátttökukostnaður er niðurgreiddur svo öll ungmenni hafi tækifæri til að taka þátt í þessum mikilvæga vettvangi sem eflir rödd og áhrif ungs fólks á landsvísu.
Hinsegin landsmótið
Hinsegin landsmót Samfés
Hinsegin Landsmót Samfés var haldið í fyrsta sinn árið 2022 í samstarfi við Samfés, hinsegin félagsmiðstöðvar og með stuðningi Erasmus+. Mótið er ætlað ungmennum á aldrinum 13–16 ára og er vettvangur til að hittast í öruggu umhverfi, ræða málefni sem snúa að hinsegin ungmennum og njóta samveru með jafnöldrum.
Dagskráin er þríþætt og byggir á hópefli og skemmtun, fræðslu og smiðjum til að auka þekkingu og virkni, auk málþings þar sem ungt fólk fær tækifæri til að koma sínum skoðunum á framfæri.
Áhersla er lögð á lýðræðisleg vinnubrögð og mikilvægi þess að hinsegin ungmenni upplifi að þeirra rödd skipti máli. Þátttakan styrkir sjálfstraust, samskiptafærni og eflir hinsegin starf í félagsmiðstöðvum um allt land.
Hinsegin landsmót & Landsþing Hinsegin ungmenna
Hinsegin Landsmót Samfés
Hinsegin Landsmót Samfés er árlegur viðburður fyrir ungmenni á aldrinum 13–16 ára sem skapar öruggt rými til að hittast, fræðast og kynnast öðrum í svipaðri stöðu. Þar fá ungmenni tækifæri til að ræða líðan sína, skoðanir og hugðarefni á uppbyggilegan hátt.
Sjálfstraust og samskiptafæri
Mótið stuðlar að því að styrkja sjálfstraust, samskiptafærni og lýðræðislega þátttöku ungmenna. Með þátttöku kynnast þau nýjum jafnöldrum, mynda tengslanet og fá dýrmæta reynslu sem þau taka með sér heim í sína félagsmiðstöð.
Smiðjur, þing og kosningar
Dagskrá mótsins byggir á þremur meginstoðum: hópefli og skemmtun, fræðslu og smiðjum, og málþingi þar sem ungt fólk fær að koma sínum röddum og hugmyndum á framfæri. Þessi blanda gerir viðburðinn bæði fræðandi og skemmtilegan.
Jafnt aðgengi fyrir öll
Hinsegin Landsmótið er mikilvægt skref í þróun hinsegin starfs í félagsmiðstöðvum um allt land. Það undirstrikar að rödd ungmenna skiptir máli og að samfélagið styður þau í að vera þau sjálf, óháð kynhneigð eða kynvitund.
Landsmót
16+
Landsmót
16+
Landsþing 16+ Samfés er árlegur viðburður sem gefur ungmennum á aldrinum 16–25 ára tækifæri til að taka virkan þátt í lýðræðislegri umræðu og ákvarðanatöku um málefni sem varða ungt fólk á Íslandi.
Dagskráin samanstendur af umræðum og ályktunum, þar sem ungmenni móta sameiginlegar tillögur sem sendar eru til stjórnvalda, sveitarfélaga og fjölmiðla. Einnig eru fyrirlestrar og smiðjur þar sem fjallað er um lýðræði, réttindi ungs fólks og leiðir til að hafa áhrif á samfélagið.
Mikil áhersla er lögð á tengslamyndun, þar sem ungmenni hvaðanæva að af landinu hittast, deila reynslu og byggja upp sterkari tengslanet. Þannig verður Landsþingið bæði lærdómsríkt og styrkjandi samfélagslega.
Landsþing 16+ er mikilvægur liður í starfi Samfés til að tryggja að raddir ungs fólks heyrist, fái vægi og hafi raunveruleg áhrif á stefnumótun og samfélagsgerð.
Landsþing 16+
Landsþing 16+
Landsþing 16+ er vettvangur fyrir ungt fólk á aldrinum 16–25 ára til að hafa áhrif á samfélagið með beinni þátttöku í umræðum og ákvarðanatöku. Þar fá þau tækifæri til að tjá sig um málefni sem skipta þau máli og móta sameiginlegar ályktanir.
Þátttakendur
Þátttakendur mynda tengslanet við jafnaldra alls staðar að af landinu, deila reynslu sinni og læra hvert af öðru. Þannig verður Landsþingið bæði vettvangur fræðslu og félagslegra tengsla.
Dagskráin
Dagskrá Landsþingsins samanstendur af fyrirlestrum, smiðjum og umræðum sem miða að því að efla þekkingu, lýðræðislega þátttöku og hæfni ungmenna til að koma sínum hugmyndum á framfæri.
Jafnt aðgengi fyrir öll
Með Landsþingi 16+ tryggir Samfés að raddir ungs fólks heyrist í opinberri umræðu. Ályktanir ungmennanna eru sendar á stjórnvöld, sveitarfélög og fjölmiðla, sem eykur áhrif þeirra í stefnumótun og samfélagsgerð.