Landsmót Samfés 2026 í Reykjanesbæ

Landsmót Samfés verður haldið í Reykjanesbæ í haust og er einn stærsti lýðræðis- og samveruvettvangur ungs fólks í félagsmiðstöðvastarfi á Íslandi. Skráning hefst 14. september og lýkur 28. september.

Á Landsmóti koma ungmenni úr félagsmiðstöðvum víðs vegar af landinu saman til að kynnast nýju fólki, taka þátt í fjölbreyttri dagskrá, vinna saman í smiðjum og ræða málefni sem skipta þau máli. Markmið mótsins er að ungmenni fari heim með nýja reynslu, hugmyndir og þekkingu sem þau geta miðlað áfram í sinni félagsmiðstöð.

Landsmótið á sér langa sögu en það var fyrst haldið á Blönduósi árið 1990, þar sem 25 aðildarfélög Samfés komu saman. Frá þeim tíma hefur mótið þróast í mikilvægan vettvang fyrir þátttöku, tengslamyndun og lýðræðislegt starf ungs fólks.

Dagskrá Landsmóts er þríþætt. Ungmenni taka þátt í smiðjum, hópefli og sameiginlegri dagskrá, auk þess sem lokadagur mótsins er helgaður Landsþingi ungs fólks. Þar fá ungmenni tækifæri til að koma skoðunum sínum á framfæri, ræða málefni sem þeim eru hugleikin og hafa áhrif á umræðu um málefni ungs fólks á Íslandi. Landsmótið sjálft hefur áður verið skilgreint sem þrískipt verkefni: smiðjur, Landsþing ungs fólks og kosning í Ungmennaráð Samfés.  

Á Landsmóti fer einnig fram kosning í Ungmennaráð Samfés. Kosið er í tíu kjördæmum og eru fulltrúar ráðsins ungmenni úr aðildarfélögum Samfés á aldrinum 13–16 ára. Ungmennaráð Samfés kemur að undirbúningi og framkvæmd Landsþings og vinnur áfram með niðurstöður þess að móti loknu.

Hver félagsmiðstöð getur skráð allt að 5 ungmenni til þátttöku. Skráning fer fram í gegnum félagsmiðstöðvar og starfsfólk sér um skráningu þátttakenda.

Landsmót Samfés er helgi full af þátttöku, nýjum vinum, hugmyndum og upplifunum. Við hlökkum til að sjá ungmenni og starfsfólk úr félagsmiðstöðvum landsins í Reykjanesbæ í haust.